ԱԺ ՀՀԿ խմբակցության անդամ Մանվել Բադալյանի խոսքով, խորհրդարանի աշխատանքը բոյկոտելը բարեփոխումներ մտցնելու համար ճիշտ մեթոդ չէ: «Հացադուլը ևս պայքարի ընդունելի ձև չէ այն դեպքում, երբ պատգամավորը հնարավորություն ունի իր պահանջները ներկայացնելու ԱԺ ամբիոնից»,- այսօր լրագրողների հետ հանդիպման ժամանակ ասաց Բադալյանը:
Այս տեսակետի հետ համաձայն չէ «Ժառանգություն» կուսակցության փոխնախագահ Ռուբեն Հակոբյանը: Նրա տարիների պատգամավորական պրակտիկան ցույց է տվել, որ ԱԺ-ում պահանջներ կամ առաջարկություններ ներկայացնելը ոչ մի արդյունք չի տալիս: «ԱԺ-ն ժողովրդավարական ինստիտուտի իմիտացիա է: Այսպիսի կրիմինալացված ու հակապառլամենտական խորհրդարան, որ մենք ունենք այսօր, ուղղակի հնարավոր չէ պատկերացնել:
Այսուհանդերձ, «ժառանգության» պահանջը արտահերթ ընտրություններ անցկացնելու մասին ՀՀԿ-ական պատգամավոր Մանվել Բադալյանը անհնար է համարում: «Դրա մասին խոսք լինել չի կարող: Արտահերթ ընտությունների գնալը կնշանակի՝ մենք չենք կարողացել իրականացնել մեր ստանձնած պարտականությունները»:
