Հաշվի առնելով վերջին շաբաթների ընթացքում Ադրբեջանի զիված ուժերի դիպուկահարների կողմից հակամարտության շփման գոտում հայ զինծառայողների զոհվելու փաստը «Երիտասարդ համալսարանականների միավորում» ՀԿ-ն կոչով դիմում է ԵԱՀԿ գործող նախագահ, Լիտվայի ԱԳ նախարար Աուդրոնիուս Աժուբալիսին և Մինսկի խմբի համանախագահներին`
1. Խստորնեն դատապարտել Սոչիում ձեռքբերված պայմանավորվածությունների Ադրբեջանի կողմից կոպիտ խախտման փաստերը, որի արդյունքում զոհվեցին հայ զինծառայողներ, որոնցից վերջինը ԵՊՀ 2-րդ կուրսի ուսանող Ահարոն Հայրապետյանն էր:
2. Հրապարակայնորեն հաստատել, որ հակամարտության լարվածությունը մեծանում է բացառապես Ադրբեջանի ղեկավարության ռազմատենչ հայտարարությունների արդյունքում և կատարված փաստերի վերաբերյալ անցկացնել անաչառ հետաքննություն:
3. Հաշվի առնելով, որ դիպուկահարների գործողություններից զոհվում են հայ զինծառայողներ` դիպուկահարներին միակողմանի` «բարի կամքի դրսևորման» ետ քաշման համապատասխան հրապարակային առաջակություն ներկայացնել նաև Ադրբեջանի ղեկավարությանը
«Երիտասարդ համալսարանականների միավորում» ՀԿ