Ժողովրդական կուսակցության նախագահ Տիգրան Կարապետյանի գնահատմամբ, Րաֆֆի Հովհաննիսյանի խիզախ քայլը ստիպել է փոխել ԺԿ նախագահի կարծիքը Րաֆֆի Հովհաննիսյանի մասին: Տիգրան Կարապետյանը նույնիսկ հնարավոր է համարում հետագայում «Ժառանգության» և Ժողովրդական կուսակցության միացումը:
Այն հարցին, թե արդյոք Տիգրան Կարապետյանը պատրա՞ստ է հացադուլ անել, նա պատասխանեց.
«Երբեք մի ասա երբեք, բայց մենք մեկ այլ մեթոդ ենք մշակել, որը թող անակնկալ մնա, միայն ասեմ, որ ակտիվանալու են մեր կուսակցության կանայք:
Մինչ այդ անակնկալը Ժողովրդական կուսակցությունը հանրահավաք է անելու Գյումրիում և ազատամարտիկների համաժողով է գումարելու Երևանում, իսկ ապրիլի 10-ին Մատենադարանում տեղի կունենա ԺԿ հանրահավաքը, այնուհետև՝ երթը: