Շիրակի մարզի Գետք գյուղի գերազմանատանը հարակից տարածքում երեկ տեղի ունեցած սպանության դեպքի առթիվ, ինչպես հայտնի է, հարուցվել է քրեական գործ ՀՀ ՔՕ 104 հոդվածի առաջին մասի, ինչպես նաև 235 հոդվածի առաջին մասի հատկանիշներով: Սպանվածը, հիշեցնենք, ԳՊՄԻ ռեկտոր, ԲՀԿ անդամ Վարդևան Գրիգորյանի եղբայրն է՝ 1964 թվականին ծնված Հարություն Գրիգորյանը: Վերջինս հրազենային վնասվածքներ էր ստացել մարմնի տարբեր հատվածներում: Այս պահի դրությամբ սպանության մի քանի վարկած են քննարկվում, սակայն ամենահավանականը կենցաղայինն է: Շրջանառվող տեղեկություններից մեկի համաձայն, սպանվածը անձնական ինչ-ինչ հարաբերություններ է ունեցել նույն թաղամասի բնակչուհիներից մեկի հետ, որի ամուսինը որոշել է վրեժխնդիր լինել: Ընդ որում, սպանության մեջ կասկածվող անձը Ռազմական ոստիկանության բարձրաստիճան պաշտոնյա է: Տեղեկությունների համաձայն, նա սպանություն կատարելուց հետո դիմել է փախուստի և բացակայում է հանրապետությունից: Շիրակի մարզի դատախազ Րաֆֆի Ասլանյանը ԳԱԼԱ-ի հետ զրույցում նշեց, թե այս պահի դրությամբ իրականացվում են համապատասխան քննչական գործողություններ ու օպերատիվ հետախուզական միջոցառումներ՝ դեպքի բացահայտման ուղղությամբ: Ըստ նրա՝ կան սպանության մեջ կասկածվող անձինք. Ամբողջական հոդվածը՝ սկզբնաղբյուր կայքում: