Ֆելիպե 6-րդի կողմից Իսպանիայի գահը ստանձնելուց հետո նրա կինը՝ 41-ամյա Լետիցիան, բախվում է այն բանի հետ, որ իրեն մշտապես համեմատում են Քեմբրիջի դքսուհու հետ, գրում է 7days.ru-ն:
Իսպանիայի թագուհին օրերս իր մասին խոսելու առիթ է տվել՝ երկրորդ անգամ պաշտոնական միջոցառմանը հայտնվելով Carolina Herrera-ի պիթոնի կոշիկներով:
Օրերս Ֆելիպեն ու Լետիցիան այցելել էին ընդունելության, որը կազմակերպվել էր Ruta Quetzal BBVA-2014 արշավախմբի համար: Նա ցուցադրել է անթերի ճաշակ ու կարողություն՝ նորովի կրելով միևնույն իրերը:
Մի քանի շաբաթ առաջ նա նույն կոշիկները կրել էր էլեգանտ դեղին շալվարի ու սպիտակ պիջակի հետ, այս անգամ դրանք համադրել էր շիֆոնե բլուզի ու սպիտակ մատիտ-փեշի հետ:
Քեյթը նույնպես չի խուսափում միևնույն իրը մի քանի անգամ կրելուց:
