Opera ընկերությունը ներկայացրել է Opera Mobile 11 և Opera Mini 6 բրաուզերները, որոնք նախատեսված են Android, MeeGo, Windows 7 և iOS օպերացիոն համակարգիչներով աշխատող պլանշետային համակարգիչների համար: Քանի որ Windows 7-ի պլանշետային համակարգիչների համար հատուկ ստեղծված հավելվածներ չկան, ապա Opera Mobile 11-ի ի հայտ գալը մեծ իրադարձություն է համարվում: Այս մասին նշել են Opera ընկերության ներկայացուցիչները:
Opera-ի արտադրած բրաուզերն ավելի շատ նման է սմարթֆոների համար նախատեսված բրաուզերներին, քան անհատական համակարգիչների համար ստեղծվածները: Դրանք օգտագործելու տեսակետից ավելի մոբիլ են, որի համար նախատեսված է էկրանին բացվող ստեղնաշար: Opera Mobile-ը նախատեսված է Android և Maemo օպերացիոն համակարգերով աշխատող սարքերի համար:
iPad-ի համար նախատեսված է Opera Mini-ն. Opera ընկերությանը չի հաջողվում լիարժեք բրաուզեր ներկայացնել iPad-ի հաճախորդներին հավելվածների App Store խանութում, քանի որ դրան խոչընդոտում են Apple ընկերությունից: Բանն այն է, որ Apple-ն ինքը iPad-ի հետ առաջարկում է ստանդարտ բրաուզեր, և չի ցանկանում նոր խաղացողների թողնել շուկա:
Opera-ն ներկայացրել է նաև Opera Mini 6 բրաուզերը` նախատեսված ОС Android, BlackBerry, Symbian օպերացիոն համակարգերով աշխատող սարքերի համար: