«Դինամո» հանրապետական մարզադաշտի մոտ գտնվող հնամաշ իրերի հայտնի «Քրջի» շուկայում 50-ից ավելի առևտրականներ չեն կարողանում անգամ օրվա հացի փող վաստակել, իրենց առաջարկած ապրանքները, ինչպես արդեն իսկ նշել էինք, չափազանց մատչելի են, բայց պահանջարկ չունեն: Դրանք հիմնականում սովետական իրեր են, որոնք առևտրականները ձեռք են բերել տարբեր գործարաններից:
Այստեղ շաբաթ-կիրակի օրերին հազվագյուտ մարդկանց է հաջողվում առևտուր անել:
Մեր նկարահանումների ժամանակ ևս շուկայում ընդամենը մի քանի գնորդ կար, բայց նրանցից մեկի գնած առևտուրն էր միայն 100-500 դրամից ավելի՝ 1500 դրամի:
«Առաջին լրատվական»-ին վաճառքով զբաղվող ծերունին ասաց. «Ձեր ոտքը խերով էր, ժամը 8-ից կանգնած եմ՝ առևտուր չկար»:
Տեղի առևտրականները օրը գոնե մեկ անգամ հազիվ են սնվում. եթե գոնե 1000 դրամի առևտուր լինի, հանգիստ խղճով կկարողանան կարտոֆիլով փքաբլիթ ուտել: Ի դեպ, «Առաջին լրատվական»-ը զրուցեց նաև փքաբլիթ վաճառողի հետ: Վերջինս նկատեց, որ այստեղ անգամ փքաբլիթը մեծ մասամբ գնում են պարտքով: Նա, բնականաբար, իր առևտրից դժգոհեց, ասում է՝ երկրի վիճակը լավանա, շուկայի մարդկանց հնարավորություններն էլ կմեծանան, իր առևտուրն էլ կանգ չի առնի:
Հիշեցնենք, որ տեղի առևտրականները դժգոհում էին ոչ միայն առևտրից, այլև շուկայի պայմաններից՝ ջուրը հեռվում է, պետքարան չկա՝ հողածածկ շերտ է:
Առավել մանրամասն՝ տեսանյութում:
