Մարդու իրավունքների պաշտպան Կարեն Անդրեասյանը, երեկ այցելելով Րաֆֆի Հովհաննիսյանին, նշել է, որ խախտվել է Րաֆֆի Հովհաննիսյանի իրավունքը, և վերջինս իրավունք ունի Ազատության հրապարակում վրան կամ հովանոց ունենալու:
Լրագրողների հետ հանդիպման ժամանակ Րաֆֆի Հովհաննիսյանը նշեց, որ իրենք սպասում են, որ ոստիկանապետը, ստանալով համապատասխան հրահանգ, կթույլատրի Ազատության հրապարակում վրան կամ մեծ հովանոց տեղադրելու համար:
«Եթե ուզում են, թող իրենց ձեռքով տեղադրեն վրանը, իմ համար այդ ամենը չորրորդական հարց է, և դա իմ անձնական խնդրանքը կամ պահանջը չէ»,- ասաց Ր.Հովհաննիսյանը և հավելեց, որ այդ ամենը Հայաստանի իշխանության վերաբերմունքն է սեփական համաքաղաքացու հանդեպ.
«Եթե իշխանությունը ցանկանում է մարդու իրավունքների պաշտպանի որոշումը հարգել և ի կատար ածել, ապա դա միայն և միայն ողջունելի է, և ես շնորհակալ կլինեմ»: