Մոսկվայի դատարանի որոշմամբ՝ ուրբաթ օրը մինչև սեպտեմբերի 15-ը կալանքի տակ է վերցվել BMW-ի խուլհամր վարորդ Ալեքսանդր Պրուտյանը, ում մեղադրում են թոշակառուին դիտավորյալ վրաերթի ենթարկելու համար: Այս մասին հայտնում է ITAR-TASS-ը:
Դատարանն այսպիսով բավարարել է հետաքննության համապատասխան միջնորդությունը:
Միաժամանակ, Պրուտյանի պաշտպանությունը դատարնին խնդրել է նրա համար տնային կալանք կամ գրավ սահմանել:
Հիշեցնենք, որ հուլիսի 14-ին Մոսկվայի արևելքում ճանապարհային վթար է տեղի ունեցել, որի ընթացքում BMW-ի վարորդ Պրուտյանը ճանապարհային վեճի ժամանակ դիտավորյալ վրաերթի է ենթարկել իր ընդդիմախոսին:
Պրուտյանն ինքը դեպքի վայրից հեռացել էր, բայց երկու օր անց հոր հետ ներկայացել էր ոստիկանություն: Կասկածյալի հարազատը հայտարարել է, որ Պրուտյանը խուլուհամր է և վերջերս է դուրս եկել հոգեբուժարանից: