Այսօր կառավարության մոտ էին եկել Ավան համայնքի Թումանյան փողոցի բնակիչները, ովքեր երկար տարիներ զբաղվում են հողագործությամբ, հսկայական այգիներ մշակում:
«Հողի մեջ եմ աշխատում 35 տարի, իմ սեփականությունն է: Հողս վերցրել են, դատարան ենք տալիս, վեց անգամ դատարան ենք տվել, ասում են՝ հողը Տարոնին տանք, Տարոնը վեկալի, ծախի-ուտի»,- հուզված ասաց 76-ամյա Էմմա տատը, որը 35 տարի հողի հետ կռիվ է տալիս, հսկայական այգի է գցել, բայց հիմա ձեռքից ուզում են վերցնել:
Ավանի Թումանյան թաղամասի դիմաց՝ Ալմա Աթա տարածքում, տեղացիները հողերը գծագրել են, ներքին աճուրդով վաճառել:
«Երկուսն էլ ժառանգության փաստաթուղթ ունեն: Ժառանգության թուղթ չունենք մենք, հսկայական ընկույզի ծառեր, դեղձեր, տանձ, ամեն ինչ ունենք: Երկու զինվոր եմ տվել»,- հուզված նշեց տիկին Հասմիկը:
Բողոքողները նշեցին, որ Տարոն Մարգարյանը ուզում է ծախել այդ հողերը: «Փողը պակասել ա, իսկ մեզ ոչ մեկին չի ընդունում, մի հատ չի մոտենում, ո՛չ իր տանը, ո՛չ քաղաքապետարանում, ո՛չ մի տեղ չի ըդնունում»,- ասացին բնակիչները:
Ռեբեկա Հակոբյանն էլ նշեց, որ պետք է գնա մինչև վերջ, պայքարից հետ չի դառնալու, քանի որ մոր ժառանգությունն է:
«Մորս ժառանգությունն է, պապիս հողն է, ես պետք է շարունակեմ հողս մշակել: 1600 քառակուսի մետր արխիվային տեղեկանքով, որը հաստատում է, որ պապաս այդ հողը ունեցել է: Եկան, տրակոտրները դրին, մայրս ինֆարկտ ստացավ, մահացավ Տարոնի պատճառով»,- ասաց տիկին Ռեբեկան, ապա ավելացրեց՝ էդ քաղաքապետը մեր շնորհիվ է դարձել քաղաքապետ, ժողովրդին ինչքա՞ն կարելի է խեղդել:
«Նախքան քաղաքապետ դառնալը մի մասը վաճառեց, անցան մյուս շարքին: …մեզնից հող են խլում, թուրքերից հող են ուզում»,- ասացին բնակիչները՝ հավելելով, թե պատրաստ են դիմելու նաև Եվրադատարան:
«Տարոն Մարգարյանները էդքան մաքուր մարդիկ չեն, որ իրենց մաքուր են ձևացնում: Գծագրել, ամեն ինչ ցույց տվել, հիմա ասում են՝ ժառանգությունը չկա»,- նշեցին նրանք:
Ամբողջությամբ՝ տեսանյութում:
