Թուրքիայից հետո հիմա էլ Սդրբեջանն է փորձում տեղ գտնել ՄԱԿ-ի Անվտանգության խորհրդի ոչ մշտական անդամների շարքում: Նա այդ ճանապարհին դարձյալ հույսը դնում է մահմեդական երկրների հնարավոր «եղբայրական» զգացմունքների վրա: Ադրբեջանական «Թրենդը» հաղորդում է, թե իբր այսօր այդ երկրի ԱԳ նախարար Մամեդյարովի հետ հանդիպմանը Արաբական Միացյալ Էմիրությունների իր գործընկերը հավաստիացրել է, որ ԱՄԷ-ն սատարելու է 2012-13 թթ. Ադրբեջանի թեկնածությանը ՄԱԿ-ի Անվտանգության խորհրդի կազմում: Իր հերթին, Միացյալ Էմիրությունների արտգործնախարարը գոհունակություն է հայտնել Ադրբեջանի` կարճ ժամկետում ԱՄԷ դեսպանատուն բացելու թույլտվություն տալու համար:
Հիշեցնենք, որ Հայաստանում դեռեւս չի գործում ԱՄԷ դեսպանատուն, իսկ մեր երկրում Արաբական Միացյալ Էմիրությունների դեսպանի նստավայրը Թեհրանում է: