Ինչպես հաղորդում է լիբանանյան Al-Akhbar թերթը, Սիրիայի հարավային Դարա‘ա քաղաքում տեղի ունեցած բախումները ֆինանսավորվում են Լիբանանից: Հարավի երիտասարդները գումար են ստացել լիբանանյան ընդդիմադիր «Ապագայի շարժման» կողմից, որը գլխավորում է նախկին վարչապետ Սաադ Հարիրին: Այս շարժումն ունի ակնհայտ հակասիրիական բնույթ, քանի որ Լիբանանի ընդդիմադիրները կարծում են, որ հենց Սիրիան է ֆինանսավորում «Հիզբոլլահին» Լիբանանում:
Ըստ թերթի` սիրիացի ցուցարարներին են փոխանցվել գումար և «Հիզբոլլահի» ղեկավար հասան Նասր Ալլահի նկարները, որոնք անհրաժեշտ էր այրել ցույցերի ժամանակ: Որոշ տեղեկությունների համաձայն, Դարա‘այում ձերբակալված երիտասարդները տվել են արդեն խոստովանական ցուցմունքներ: Տեղեկացնենք նաև, որ Al-Akhbar թերթը համարվում է «Հիզբոլլահին» մոտ կանգնած լրատվամիջոց:
«Առաջին լրատվականը» երեկ տեղեկացրել էր, որ Սիրիայի հարավում տեղի էին ունեցել բախումներ, որի ժամանակ սիրիական իշխանությունները որոշում են կայացրել զորքեր մտցնել Հաուրան հարավային նահանգում` կանխելու համար դրա տարածումը մյուս շրջաններում: