Ինչպես հաղորդում է Al-Jazeera-ն, այսօր Եմենում տեղի են ունեցել բախումներ ընդդիմությանը պաշտպանած զինվորականների և կառավարական ստորաբաժանումների միջև: Բախումները եղել են Եմենի Հադրամաութ նահանգում` Ալ-Մուքալլա քաղաքում: Վիրավորվել են մեկ սպա և երեք զինվոր: Բախումը տեղի է ունեցել զինվորական ստորաբաժանման և հանրապետական գվարդիայի միջև:
BBC-ի արաբական ծառայությունը հաղորդում է, որ զինվորականները ներկայացնում են ընդդիմության կողմն անցած գեներալ մայոր Ալի Մուսինի ստորաբաժանումը: Զինվորականները զրահասայլերով շարունակում են հսկել Սանայի փողոցներում գտնվող ցուցարարներին, որոնց վրա վերջերս լուրջ հարձակումներ էին լինում` տասնյակ զոհեր խլելով:
Հիշեցնենք, որ երկրի նախագահ Ալի Աբդալլահ Սալեհը ջանքեր է գործադրում երկրում իրավիճակը կայունացնելու և վերահսկողություն հաստատելու համար, սակայն բազմաթիվ դիվանագետներ, քաղաքական գործիչներ, զինվորականներ հայտարարել են նրա «ճամբարը» լքելու և ընդդիմությանը պաշտպանելու մասին: