Ուկրաինայի նախկին նախագահ Լեոնիդ Կուչմայի դեմ քրեական գործ է հարուցվել լրագրող Գեորգի Գոնգաձեի գործի շրջանակներում: Այս մասին հաղորդել են ուկրաինական լրատվամիջոցները` հղում անելով երկրի գլխավոր դատախազությունում իրենց աղբյուրներին: Ակնկալվում է, որ այդ մասին հայտարարությամբ դատախազությունը հանդես կգա այսօր: Դատախազությունը երեկ այս լուրը ո՛չ հաստատել էր, ո՛չ էլ հերքել:
Կուչմայի քաղաքականության ամենասուր քննադատներից մեկը` լրագրող Գեորգի Գանգաձեն, կորել էր 2000 թ. սեպտեմբերին: Քննությունը պարզել էր, որ նրա սպանության պատվերը տվել էր Կուչմայի կառավարության անդամ, ներքին գործերի նախարար Յուրի Կրավչենկոն, իսկ իրականացրել էր ՆԳՆ արտաքին դիտարկման վարչության ղեկավար Ալեքսեյ Պուկաչը:
2005 թ. Կրավչենկոն ինքնասպան էր եղել դատախազության հարցաքննությանը ներկայանալուց առաջ, իսկ Պուկաչը ձերբակալվել էր 2009 թ.:
