Խանջյան փողոցի կարաոկե ակումբները վերածվել են փոքր «հոթելների»՝ ահազանգում են տեղի բնակիչները՝ «Առաջին լրատվական»-ի հետ զրույցում նշելով, որ ակումբներրի կահավորված առանձնասենյակներց հիմնականում կասկածելի վարքով աչքի ընկնողներն են օգտվում:
Խանջյան 31 հասցեից մինչև Խանջյան-Թումանյան խաչմերուկ բնակելի շենքերի տակ գտնվող կարաոկե, դիսկո ակումբների, բարերի աղմուկը, մի կողմից է լցրել հարակից շենքերի բնակիչների համբերության բաժակը, մյուս կողմից էլ՝ հատկապես գիշերը, այս հաստատություններ հաճախող մարդիկ, որոնց շարքերում, ըստ բնակիչների՝ պարզ երևում է, որ կան «գիշերային թիթեռնիկներ», որոնց ծառայություններից բարերի առանձնասենյակներում օգտվելը հաճախորդի վրա ավելի մատչելի է «նստում»: Բացի այդ, այսպիսի հաստատությունների շրջակայքում դեպքեր են եղել, երբ ոստիկանները բերման են ենթարկել մարդկանց՝ թմրանյութ պահելու կասկածանքով: Բնակիչները նաև ընդգծում են՝ գիշերային ժամերին այստեղ նաև վեճեր են լինում:
Հիշեցնենք, որ 2000 թվականից տեղի բնակիչները պայքարում են, դիմել են քաղաքապետարան, ոստիկանություն, բայց արդյունքի չեն հասնում, ասում են՝ իրենք ակումբներին դեմ չեն, բայց այսպիսի գործունեություն ծավալող ակումբները ազդում են իրենց երեխաների դաստիարակության վրա. «Տանը ուրիշ բան ենք սովորեցնում, իրենք ուրիշ բան են տեսնում, ի՞նչ օրինակ է մեր երեխաների համար», նշում էին բնակիչները: Նրանք կարծում են, որ իշխանությունները այսպիսի վարվելակերպը հանդուրժելով՝ խթանում են անառակաբարո գործողությունները . «Թող հիշեն, որ մի օր այդպիսի հաստատություններ իրենց աղջիկներն են գնալու ու առանձնանալու», բարկանում էին հարակից շենքերի բնակիչները:
Հետաքրքիր է նաև այն, որ «Առաջին լրատվական»-ին ոստկանության լրատավության վարչությունից այս հարցերի վերաբերյալ խոստացան պարզաբանումներ տալ, միայն իրենց իրավասության շրջանակը այս հաստատությունների վերաբերյալ ճշգրտելուց հետո, բայց մինչև այժմ արձագանք չկա, մեր զանգերն էլ անպատասխան են մնում:
Առավել մանրամասն՝ տեսանյութում։