«Չեմ կարծում, որ Youtube-ում տեղադրված ինչ-որ մասնավոր կադրերի վերաբերյալ ԱՄՆ փոխնախագահը հանդես կգա հերքումով»:
Հայաստանի ԱԳ նախկին նախարար Ալեքսանդր Արզումանյանը, այսօր լրագրողների հետ հանդպման ժամանակ անդրադառնալով համացանցում հայտնված ԱՄՆ փոխնախագահի մասնակցությամբ տեսանյութին, եւ դրան հետեւած հերքումներին, հայտարարեց, թե չի կարծում, որ Youtube-ում տեղադրված ինչ-որ մասնավոր կադրերի վերաբերյալ ԱՄՆ փոխնախագահը հանդես կգա հերքումով, եւ կհրապարակվեն հեռախոսազրույցները:
«Ամեն մեկն արեց այն, ինչ պահանջվում էր իրենից, մեր կողմը հերքեց, նրանց կողմը հերքեց, բոլորը հերքեցին, բոլորը երջանիկ են, մնացինք մենք եւ մեր եզրակացությունները»,- նշեց Արզումանյանը: ԱԳ նախկին նախարարի խոսքով, ինքը`գործընթացի տրամաբանությունը, հանգեցնում է նրան, որ դա հնարավորություն է տալիս այս պահին այդ (Ցեղասպանության) հարցը չարծարծել: «Սա էր ողջ միտումը այդ նախաձեռնության, որը եւ իրականացավ: Արդյունքում` թե կոնկրետ բառակապակցություններ, եւ թե որ մակարդակի վրա են օգտագործվել, խնդրանքներ եղե՞լ են, թե՞ ոչ, չեմ կարող ասել»,- հավելեց Ալեքսանդր Արզումանյանը:
