Ամերիկացի Ջերեմի Հիթոնը իրեն հռչակել է «Հյուսիսային Սուդանի» թագավոր ու հավակնում է Սուդանի ու Եգիպտոսի միջև ընկած հողերին՝ հայտնում է The Washington Post-ը:
Նման որոշում է նա կայացրել իր փոքրիկ դստեր նվիրական երազանքը՝ դառնալ արքայադուստր, իրականացնելու համար:
Հիթոնը 3 երեխաների հայր է, նա աշխատում է հանքարդյունաբերության ոլորտում: Հայրը որոշել է ամեն գնով իրականացնել իր դստեր երազանքը: Նա սկսել է համացանցում հարմար վայր փնտրել իր թագավորության համար: Նման վայր է դարձել Աֆրիկայում անապատային մի հատված՝ 200 քառակուսի կմ տարածքով:
Մի քանի ամիս անց նա մեկնել է այդտեղ ու հունիսի 16-ին՝ Էմիլյայի 7-ամյակին, քարքարոտ տեղանքում տնկել կապույտ դրոշ՝ 4 աստղերով ո թագով:
«Ես ուզում եմ իմ երեխաներին ցույց տալ, որ ես տառացիորեն մինչ աշխարհի վերջը կգնամ նրանց երազանքներն իրականացնելու համար»,- պատմել է երջանիկ հայրը:
Տեղացիներն այդ հատվածն անվանում են Բիր Տավիլ: Սա յուրօրինակ terra nullius է՝ տարածք, որին ոչ մի պետություն չի հավակնում:
Ինքնահռչակ թագավորը ծրագրում է աջակցության համար դիմել Աֆրիկյան միությանը: