«Ժառանգություն» և Դաշնակցություն կուսակցության հետ միանալու հանգամանքին անդրադառնալով` Ժողովրդական կուսակցության նախագահ Տիգրան Կարապետյանը նշեց, որ ինքը միացել է ժողովրդական շարժմանը, ինքը նախաձեռնող է, և իրեն պետք է միանան մյուս ուժերը. «Ժողովրդական շարժումը չի կարող որևէ մեկին միանալ, որովհետև սա շարժում է, որտեղ ժողովուրդն է»:
Կարապետյանը նշեց, որ դաշտը բաց է և ով կցանկանա կարող է մասնակցել և ոչ մեկ իրավունք չունի սեփականաշնորհել մի դաշտը:
ԺԿ առաջնորդը նաև նշեց, որ իրենք ընդդիմության այլընտրանք են:
Ի դեպ, լրագրողները Կարապետյանին հիշեցրին, որ նա մի ժամանակ Րաֆֆի Հովհաննիսյանին «ագենտ» է անվանել և հարցրին, թե այժմ ինչ է փոխվել, որ ինքը գնում է նեցուկ կանգնելու վերջինիս:
«Ասել եմ ու չեմ զղջում ասածներիս համար, բայց ես նրան կապել եմ պետդեպի հետ, արևմտյան գաղափարների հետ: Այսօր, տեսնելով խիզախ քայլերը, վերանայում եմ իմ մոտեցումները, դա նորմալ է»,- պատասխանեց Տիգրան Կարապետյանը:
