Ռուսաստանի Դաշնության նախագահ Դմիտրի Մեդվեդևն այսօր լրագրողների հետ հանդիպման ժամանակ սուր քննադատության է արժանացրել վարչապետ Վլադիմիր Պուտինի արտահայտությունները Լիբիայի հակամարտության վերաբերյալ:
Հիշեցնենք, որ Պուտինը միջազգային ուժերի գործողություններն անվանել էր «խաչակրաց արշավանք» և քննադատել ՄԱԿ-ի անվտանգության խորհրդի 1973 բանաձևը:
«Դա անընդունելի է»,- ասել է Մեդվեդևը: Նա իր հերթին հայտարարել է, որ ՄԱԿ-ի բանաձևը Մոսկվան սխալ չի համարում: Դա է պատճառը, որ Ռուսաստանը վետո չի կիրառել բանաձևի քվեարկության ժամանակ: «Եթե մենք հիմա ասենք, որ չենք հասկացել, թե ինչ եք արել, դա սխալ է, մենք գիտակցաբար ենք գնացել այդ քայլին»,- ասել է Մեդվեդևը:
Ըստ Մեդվեդևի` Ռուսաստանը, սակայն, չի պատրաստվում մասնակցել ռազմական գործողություններին և պատրաստ է առաջարկել միջնորդական առաքելություն իրականացնել հակամարտության խաղաղ կարգավորման հարցում: Այդուհանդերձ, Մեդվեդևը կարծում է, որ Լիբիայում դեռևս մարդ չկա, որի հետ կարելի է բանակցություններ վարել:
«Այն ամենը, ինչ կատարվում է Լիբիայում` կապված է այն այլանդակ վարկի հետ, որը դրսևորվում էր Լիբիայի իշխանության կողմից, և հանցագործությունների, որոնք իրականացվում էին սեփական ժողովրդի դեմ, և դրա մասին չպետք է մոռանալ, մնացյալը միայն հետևանքներ են»,- ասել է Մեդվեդևը:
