Մոսկվայի դատարանը 2 տարվա ազատազրկման էր դատապարտել մարտական սամբոյի աշխարհի չեմպիոն Ռասուլ Միրզաևին, ով սպանել է 19-ամյա ուսանող Իվան Ագաֆոնովին: Մարզիկն ազատ է արձակվել դատարանի դահլիճից և հսկողության տակ առնվել:
Հիշեցնենք, որ Իվան Ագաֆոնովի և Ռասուլ Միրզաևի միջև տարաձայնություններ էին առաջացել 2011 թվականի օգոստոսի 15-ին` Մոսկվայի Гараж գիշերային ակումբի մոտ: Մարզիկը հարվածել է երիտասարդի գլխին, որից հետո տուժողը հոսպիտալացվել է: Մի քանի ժամ անց Ագաֆոնովը մահացել է:
Ռասուլ Միրզաևի դատապաշտպանների վարկածով՝ տարաձայնություններն առաջացել էին այն բանից հետո, երբ ոչ սթափ վիճակում գտնվող Ագաֆոնովը սեռական ոտնձգություն է կատարել Ռուսաստանի չեմպիոնի ընկերուհու նկատմամբ:
