Եվս մեկ՝ թվով երրորդ տղամարդն է հայտարարել, որ ապօրինի ինտիմ կապ է ունեցել «Սեզամի փողոց» մանկական հաղորդման աստղ Քևին Քլեշի հետ:
Ինչպես հաղորդում է LifeNews-ը, Էլմո տիկնիկին հնչյունավորող 52-ամյա դերասանի սկանդալային գործում նոր մասնակից է հայտնվել:
Հայցվորի անունը չի հաղորդվում: Նրա փաստաբանը հայտնել է, որ իր պաշտպանյալի խոսքով՝ 2000 թվականին` 16 տարեկանում, նա սեռական կապ է ունեցել Քլեշի հետ: Գործը կուսումնասիրվի այսօր` Մանհեթենի դաշնային դատարանի կողմից:
Որպես իր խոսքերի ապացույց` հայցվորը պատրաստ է ներկայացնել 2000 թվականի իր անձնական հուշագրությունները: Դրանցում նա մանրամասն պատմում է իր աստղային սիրավեպի մասին:
Դերասանի մամլո քարտուղար Ռիս Հելլերի խոսքով՝ Քլեշը հայցն անհիմն է համարում: Քևինը հերքում է բոլոր մեղադրանքները և պնդում, որ իր հարաբերությունները երիտասարդների հետ կամավորական հիմունքներով են եղել, որից այժմ նրանք փորձում են շահ ստանալ:
