Քաղտեխնոլոգ Իգոր Մուրադյանի կարծիքով՝ Ռուսաստանը պետք է հարմարվի այն փաստի հետ, որ իրեն միայն Ղրիմը մնաց, Դոնեցկը և Լուգանսկը նրան չեն հասնի:
Բացի այդ՝ նա կարծում է, որ Արևմուտքը, այնուամենայնիվ, կտապալի Եվրասիական տնտեսական միությունը: Մուրադյանը միևնույն ժամանակ ցավով նշեց, որ Հայաստանը կարող էր իր հարևան Վրաստանից օրինակ վերցնել, բայց չի անի դա. «Մեր հասարակությունը պատրաստ չէ այն ռիթմին, որ նախընտրում է արևմտյան հասարակությունը, բայց մենք պետք է գնանք այդ ուղով, այլ տարբերակ չունենք: Պետք է նկատի ունենանք, որ մեր քաղաքական ղեկավարությունը թեպետ Եվրոպայի հետ ասոցացումը տապալեց, բայց ՆԱՏՕ-ի մասով, բարեբախտաբար, ոչինչ չհամարձակվեց անել: Այն ամենը, որ կապում է ՆԱՏՕ-ի հետ, մնում է ուժի մեջ՝ չնայած Եվրասիական տնտեսական միությանն անդամակցելու Հայաստանի որոշմանը»:
Մուրադյանի դիտարկմամբ՝ եթե անգամ Հայաստանը անդամակցի ԵՏՄ-ին, այն կկրի ֆորմալ բնույթ. «Պետք չէ մտածել, որ Արևմուտքն այդ ամենի նկատմամբ անտարբեր է, Արևմուտքը կտապալի այն, իսկ այն պատժամիջոցները, որ կիրառվում են Ռուսաստանի դեմ, ոչ միայն ուկրաինական իրադարձությունների պատճառով են, այլև ԵՏՄ-ն ու Մաքսայինը տապալելու մտադրությամբ»:
Մեր զրուցակիցը միևնույն ժամանակ ընդգծեց, որ Արևմուտքը չի հետաքրքրվում ՀԱՊԿ-ով, որովհետև այն չի համարում լուրջ կազմակերպություն:
Հարցազրույցն ամբողջությամբ՝ տեսանյութում:
