«Հաղթանակ» զբոսայգու դիմաց հենապատերի շինարարությունը շարունակվում է: Կառուցվող հենասյուներից այն կողմ ևս շինարարական աշխատանքներ են ընթանում, ինչ նպատակներով՝ հայտնի չէ: Մամուլում պարբերաբար շրջանառվում է, որ այնտեղ վարչապետ Հովիկ Աբրահամյանի առանձնատունն է՝ խորհրդարանի շենքի նմանությամբ ու կապի և տրանսպորտի նախարար Գագիկ Բեգլարյանի առանձնատունը, որոնց դիմաց էլ հենց ակտիվ ընթանում են շինարարական աշխատանքներ հենասյան կառուցմանը զուգընթաց:
«Առաջին լրատվական»-ը փորձեց շքեղ առանձնատների դիմաց պարզել, թե բացի հենասյան կառուցումից, ինչ շինարարություն է ընթանում այն տարածքում, որը նախկինում կանչապետ անտառածածկ տարածք էր, այգի, սակայն շքեղ առանձնատներից մեկից դուրս եկած երիտասարդը արգելեց նկարել, ձեռքերով փակեց տեսախցիկը, վարորդին էլ հորդորեց տարածքից դուրս գալ՝ կարգադրելով. «Քշի, գնա»:
Նշենք, որ այստեղ կանաչապատ տարածքի «հաշվին» պաշտոնյաները սկսել են առանձնատներ կառուցել 2000-ական թվկաններից ի վեր: Հարակից տարածքի բնակիչները հենասյանը, առհասարակ այդ տարածքում իրականացվող շինարարությանը և առանձնատների ավելացմանը խիստ բացասաբար են վերաբերվում, ասում են՝ նախկինում այգի էր իրենց համար, անգամ երեխաներին զբոսանքի բերելու թթվածնով լի վայր, սակայն այսօր կառավարության ձեռամբ ամեն ինչ մասնավորեցվում, սեփականաշնորհվում է: Քաղաքացիները անգամ բարկությամբ ասացին. «Մնացել է «Հաղթանակի» զբոսայգին էլ սեփականեն պրծնեն»:
Քաղաքացիների կարծիքով՝ իշխանավորներին խիղճ է պետք. թե բնությանը և թե մարդկանց չեն խնայում: