Գումի շուկայում համատարած հուսալքության մթնոլորտ էր: Թե վերավաճառողները, թե գյուղացիները նկատում էին, որ պարտքեր, վարկեր ունեն, որոնք չեն կարողանում մարել:
Նրանց կարծիքով՝ ամեն ինչ կախված է երկրի վիճակից և կառավարության գործողություններից, ուստի հույսեր չունեն, որ նոր կառավարությունը բարեփոխումներ կկատարի: «Ի՞նչ կառավարություն, լափում են, իրենց եթիմներին դամբարաններ կառուցում, ժողովրդի մասին չեն մտածում»,- նշում էին շուկայում՝ հավելելով, որ կուզենային Հովիկ Աբրահամյանի հետ անձամբ խոսել, խնդիրները ներկայացնել, որ հասկանան՝ ինչ իրավիճակ է:
Նրանց խոսքով՝ այսօրվա պայմաններում Հայաստանում նորմալ «շնչել» չեն կարողանում, իսկ եթե կառավարությունը, ղեկավարները խիղճ ունենային, ապա մարդկանց այսպիսի վիճակի մեջ չէին գցի, կթողնեին, որ արդար քրտինքով ապրեն:
