«Դեմ եմ» նախաձեռնության անդամ Մանե Թանդիլյանի կարծիքով՝ մենք դարձել ենք մի ժողովուրդ, որի գլխին ով ինչ ցանկանում, անում է․ «Ես դա ցավով եմ նշում, մենք անվտանգության խնդիր ունենք, ժողովուրդը ջղայնությունից և հուսահատությունից դրդված երկիրն է լքում, սա սպիտակ գենոցիդ է, էլ ինչի՞ մասին են խոսում, եթե ուղղակի կարելի է տեղահան անել սեփական ժողովրդին՝ որոշակի քաղաքականություն վարելով»:
Մեր այն հարցին, թե արդյո՞ք կուտակային կենսաթոշակային համակարգի դեմ պայքարելը նախադեպ դարձավ ակտիվիստների համար, որպեսզի այլ խնդիրների դեպքում ևս իրենց որպես ՀՀ քաղաքացի դրսևորեն, Մանե Թանդիլյանը պատասխանեց․ «Ես շատ ուզում եմ հավատալ, որպես փաստ դա արդեն տեսնում եմ: Ես կարծում եմ, որ «Դեմ եմ»-ն այդ հարցում շատ մեծ գործ է արել, որ արթնացրել է մարդկանց մեջ պահանջատեր քաղաքացուն, որը թույլ չի տալու ուղղակի իրեն խաբեն, իրենից գողություն անեն: Ես ուզում եմ ամեն մեկը ոչ թե մտածի, որ այս կամ այն անձն է անելու, այլ դա զուտ իր գործն է: Այո, փոքր հաջողություն էր այն, ինչ ունեցավ «Դեմ եմ»-ը, ինչը չի կարող անել 100 հոգին, կանի 500-ը: Մեզ պետք է արթուն քաղաքացի, մեր երկիրը ժողովրդավարական երկիր է, որը նշանակում է, որ ժողովուրդն է այս երկրի տերը»:
Մանե Թանդիլյանի հետ հարցազրույցն ամբողջությամբ՝ մեր տեսանյութում։