Լիբիայի առաջնորդ Մուամար Քադաֆին հանդիսանում է հակաքադաֆիական կոալիցիայի հաջորդ թիրախը: Այս մասին հայտնել է Մեծ Բրիտանիայի պաշտպանության նախարար Լայամ Ֆոքսը: Այս մասին հաղորդում է Associated Press գործակալությունը:
Հեռուստաելույթի ժամանակ պաշտպանոթւյան նախարարը հայտարարել է, որ «Քադաֆին լիովին լեգիտիմ թիրախ է, մանավանդ որ նրան վերացնելը կօգնի արագ ավարտին հասցնել օպերացիան, այսինքն՝ պաշտպանել Լիբիայի ժողովրդին»: Սակայն, ըստ Ֆոքսի, Լիբիայի ղեկավարին վերացնելն ինքնանպատակ չէ:
Նա նաև ասել է, որ Քադաֆին կարող է օդային հարձակման ենթարկվել, եթե ապահովված լինի խաղաղ բնակչության անվտանգությունը: Այս դիրքորոշումն ակնհայտորեն տարբերվում է ամերիկացիների կողմից արտահայտված այն կարծիքից, որ իրենք նպատակ չունեն վերացնելու Քադաֆիին, և խնդիրը Լիբիայի օդային տարածքի արգելափակումն ապահովելն է: