APA գործակալության հաղորդմամբ, Բաքվում Նովրուզ տոնակատարության բացման հանդիսավոր արարաողության ժամանակ Ի. Ալիևը հայտարարել է, որ իրավական առումով հայտնի են կոնֆլիկտի լուծման ուղիները, դա Ադրբեջանի տարածքային ամբողջականության պահպանման սկզբունքներն են:
Նա ընդգծել է, որ Ադրբեջանը ձգտում է կոնֆլիկտի խաղաղ լուծմանը, սակայն միևնույն ժամանակ մեծ ուշադրություն է դարձվում բանակի արդիականացման և սպառազինման վրա:
«Ժամանակ առ ժամանակ որոշ արտասահմանյան շրջանակներում այդ հանգամանքը անհանգստություն է առաջացնում, սակայն դրա կարիքը չկա, քանի որ եթե կոնֆլիկտը խաղաղ պայմաններում լուծվի, ապա ռազմական տարբերակի մասին խոսք անգամ լինել չի կարող»,- նշել է Ալիևը: