«Դեմոսկոպ» ժողովրդագրական շաբաթաթերթի հերթական համարի թողարկումից հետո Slon.ru-ն կազմել է աղյուսակ, որը պատասխանում է Ռուսաստանի ազգային կազմում փոփոխություններին վերաբերող հարցերին: Տվյալները դասակարգված են 3 սյունակում, որոնցից կարելի է իմանալ, թե որոնք են եղել ամենամեծաթիվ ժողովուրդները 1989 և 2010 թվականներին, և որքան է փոխվել նրանց թվաքանակը 21 տարում: Առաջին հերթին, մեծապես աճել է հայերի ու չեչենների թիվը՝ համապատասխանաբար 650 և 532 հազարով:
Դիտարկվող ժամանակահատվածում ամենաշատը կրճատվել է ռուսների (8,8 մլն) և ուկրաինացիների (2,4 մլն) թվաքանակը:
Վերլուծելով աղյուսակը՝ նկատում ենք, որ այդ ընթացքում, չեչենները 8-րդ հորիզոնականից հասել են 6-րդ տեղ՝ ՌԴ-ում իրենց թվաքանակով: Հայերն այժմ աղյուսակի 7-րդ հորիզոնականում են: Նրանց թվաքանակը 2010-ին եղել է 1 մլն 182 հազար, իսկ չեչենների թիվը եղել է 1 մլն 431 հազար: Որոշ ժողովուրդների թվաքանակի մասամբ ավելացումը բացատրվում է ոչ թե ժողովրդագրական գործընթացներով, այլ ազգային ինքնագիտակցության փոփոխմամբ. ԽՍՀՄ-ի վերջին տարիներին նրանցից շատերը, ովքեր իրենց ռուս էին անվանում, ընտրել են այլ՝ «5-րդ կետ»:
Ամբողջական աղյուսակը կարող եք տեսնել այստեղ: