«Ես չեմ կարծում, որ ավելի շատ մարդ փողոց դուրս գալով էական բան է փոխվելու: Համարժեք չեն ուժերը ու պայքարի մեթոդները: Իշխանություններն ավելի շատ լծակների են տիապետում այսօր, քան ի վիճակի են իրենց թույլ տալ քաղաքացիները»,- «Առաջին լրատվական»-ի հետ զրույցում նման տեսակետ հայտնեց «Նախախորհրդարան» քաղաքացիական նախաձեռնության անդամ Վարդան Հակոբյանը:
Նրա խոսքերով՝ պետք է զուգահեռ ստեղծվի այնպիսի համակարգ, որն այս համակարգի դեմ կպայքարի, միայն քաղաքացիական ակտիվությամբ ոչնչի հասնել հնարավոր չէ. «Քաղաքացիական ակտիվ պայքարը չպետք է ընկրկի, զուգահեռ պետք է ձևավորվի այդ համակարգը, դրանից հետո պայքարի բնույթն էլ կփոխվի»:
Վարդան Հակոբյանը նշեց, որ անխուսափելի է նաև այս ճանապարհին հիասթափությունը. «Մենք դատապարտված ենք պարտվելու, բայց սա պարտություն չէ, մենք հիմա ընդամենը զորավարժություններ ենք անցկացնում, հիմնական ճակատամարտը առջևում է»:
Հարցազրույցն ամբողջությամբ՝ մեր տեսանյութում:
