Այս անգամ «Առաջին լրատվական»-ի և «Ցավազրկող» հաղորդաշարի բացառիկի շարքից ներկայացնում ենք նորագույն բժշկական միջամտություն, որը կատարվում է սրտի ռիթմի կարգավորման համար: Վիրահատական միջամտությունն ամբողջությամբ՝ միայն «Առաջին լրատվական»-ի եթերում: Միջամտությունը կատարում է «Էրեբունի» բժշկական կենտրոնի Առիթմոլոգիական սրտաբանական կենտրոնի ղեկավար, սրտաբան-էլեկտրոֆիզիոլոգ Լուսինե Մխիթարյանը:
Սրտի ռիթմի խանգարումները կամ առիթմիաները սրտի նորմալ աշխատանքի խանգարումներն են: Առիթմիա կարող է ունենալ յուրաքանչյուրը, և այն կարող է ի հայտ գալ անգամ այն դեպքերում, երբ մարդը սրտի հետ կապված այլ խնդիր չունի: Տարիքով մարդկանց մոտ այն առավել հաճախ է հանդիպում: Սա կարող է պայմանավորված լինել սրտի կամ այլ օրգան-համակարգի որևէ հիվանդությամբ:
Առիթմիաների վտանգավորությունը կախված է ինչպես առիթմիայի տեսակից, այնպես էլ հիվանդի օրգանիզմի առողջական վիճակից: Գոյություն ունեցող նախասրտերի առիթմիաներից առավել վտանգավոր են նախասրտերի սողացող առիթմիաները, իսկ օրինակ՝ վերփորոքային տախիկարդիաները համեմատաբար անվտանգ են, սակայն կարող են առաջացնել խնդիրներ, որոնք վատացնում են կյանքի որակը:
Առիթմիաները կանխելու նպատակով բժշկության զարգացման արդյունքում ստեղծվում են առավել մատչելի, անվտանգ և բարձր արդյունավետություն ունեցող սարքավորումներ, որոնք հնարավորություն են տալիս ապրելու լիարժեք առողջ կյանքով: Այդպիսի սարքերի ինպլանտացիայի ցուցման դեպքում գերակշիռ դեպքերում հիվանդն ունենում է այդ խնդրից ազատվելու շատ մեծ հավանականություն:
Տեղադրվում է սրտի ինպլանտացվող՝ կարդիովերտեր-դեֆիբրիլյատոր սարք:
Կատարվում է փակ վիրահատություն: