Անկախ պատգամավոր Վիկտոր Դալլաքյանի առաջարկած խորհրդակցությունը՝ Հովիկ Աբրահամյանի գլխավորությամբ, որի ընթացքում պետք է որոշվեր այցելել Րաֆֆի Հովհաննիսյանին կամ հորդորել նրան դադարեցնել հացադուլը,տեղի չունեցավ։
Պատճառների մասին Հովիկ Աբրահամյանը հարկ համարեց անձամբ տեղեկացնել. «Քանի որ մեր մյուս կոալիցիոն գործընկերը`ՕԵԿ-ը, այստեղ չէ, միայն ՀՀԿ-ի և ԲՀԿ-ի որոշմամբ առաջնորդվելը արդարացի չէ: Հետևաբար, խորհրդակցությունը կանցկացնենք վաղը»:
Լրագրողների այն հարցին, թե Հովիկ Աբրահամյանը չի՞ պատրաստվում անձամբ այցելել Րաֆֆի Հովհաննիսյանին, ԱԺ նախագահը պատասխանեց. «Ես անձամբ այստեղ խնդիր չեմ տեսնում և չեմ էլ ցանկանում, որ դա բացառենք: Իմ աշխատակազմի ղեկավարը մի երկու օր առաջ այցելել է Րաֆֆի Հովհաննիսյանին՝ հասկանալու համար, թե ինչ խնդիր կա, և ինչով կարող ենք աջակցել, բայց Րաֆֆի Հովհաննիսյանը շնորհակալություն է հայտնել ուշադրության համար և որևէ կոնկրետ խնդրի մասին չի խոսել»: