Այսօր ԱԺ ՀՀԿ խմբակցության պատգամավոր Ռաֆիկ Պետրոսյանից փորձեցինք ճշտել, թե Քրեական օրենսգրքի փոփոխությունների արդյունքում հնարավո՞ր է, որ քաղբանտարկյալների պատժաչափերի վրա էլ փոփոխությունները տարածվեն։
Չնայած նա համաձայն չէ քաղբանտարկյալ արտահայտության հետ, սակայն ասաց, որ ՀՀ Քրեական օրենսգրքում ունենք մարդուն քրեական պատասխանատվությունից ազատելու բազմաթիվ հնարավորություններ:
Ռաֆիկ Պետրոսյանի խոսքերով, եթե, օրինակ, դատապարտյալը ազատազրկված է 5 տարի ժամկետով, օրենքը թույլ է տալիս, որ պատժի 1/3-ը կրելուց հետո ազատ արձակվի, 10 տարուց ավելի դատապարտվածը պատժաչափի կեսը կրելուց հետո կարող է ազատ արձակվել:
Մեր այն հարցին, թե դա կարո՞ղ է առաջիկայում տարածվել Սասուն Միքայելյանի, Նիկոլ Փաշինյանի և մյուս քաղբանտարկյալների վրա, Ռաֆիկ Պետրոսյանը պատասխանեց. «Անպայման, բոլորի համար օրենքը մեկ է և հավասար»: