Այսօր կառավարության մոտ էր եկել 52-ամյա Ռուզաննա Բունիաթյանը, որը 26 տարի աշխատել է «Անուշ» տրիկոտաժի ֆաբրիկայում, ապա 88-ին թունավորվել է Սումգայիթի թելերից: «Մեծ խնդիրներ ունեմ, ունեմ հաշմանդամ թոռնիկ, ինքս էլ հաշմանդամ եմ: Յոթ տարի երրորդ կարգի հաշմանդամություն է տրվել, մինչդեռ երկրորդ կարգի պետք է լինեի: Ես ճնշում, շաքար, ողնաշարի խնդիրներ ունեմ, ոտքերի անոթների խնդիրներ ունեմ, չեն տալիս, բայց ես մայր եմ, որն իր երեխաների համար պայքարում է»,- ասաց Ռուզաննա Բունիաթյանը:
Նա նշեց, որ թեև թոշակ է ստանում, սակայն շատ չնչին է, դեղորայքին չի բավականացնում, քանի որ ամեն մի դեղը «թվեր» են, իսկ տվածը՝ գրոշներ:
Ռուզաննա Բունիաթյանը հուսալքված է: Աշխատանքի և սոցիալական հարցերի նախարարություն բազմիցս դիմել է, ուղարկել են ԲՍՖ: ԲՍՖ-ի Անուշը չի տալիս»,- ասաց նա՝ հավելելով, որ գիտի՝ այդտեղ էլ գործում է ծանոթի սկզբունքը, սակայն ինքը գումար չունի տալու:
«Պայքարում եմ երկրորդ կարգի համար, օր օրի ամեն ինչ թանկացնում են, մի դեղը 5000-15000 է, խնդրում եմ օգնեք, պարոն նախագահ, պարոն վարչապետ, պարոն քաղաքապետ, մեզ նման մարդկանց լավ պետք է նայեք: Մենք պայքարել ենք, զինվորներ բերել»,- հուզված նշեց կինը:
Ամբողջությամբ՝ տեսնյութում: