Հունիսի 29-ին Վարդենիսում ուժեղ մրրիկի պատճառով ավերվել են շենքերի տանիքներ, պատուհաններ, վնասվել են ավտոմեքենաներ։ Երեկ վարդենիսցիները ճանապարհը փակելուց հետո այսօր պահանջել էին վարչապետ Հովիկ Աբրահամյանի հետ հանդիպում: Սակայն այսօր էլ Հովիկ Աբրահամյանի փոխարեն տարածքում է Գեղարքունիքի մարզպետ Ռաֆիկ Գրիգորյանը, ով փոխքաղաքապետի հետ եկել է՝ տեղում ծանոթանալու խնդիրներին:
Վարդենիսի քաղաքապետարանի աշխատակազմի քարտուղար Սահակ Ստեփանյանն «Առաջին լրատվական»-ի հետ զրույցում նշեց, որ մարզպետը եկել է տեղում ծանոթանալու: Նա նշեց, որ հանձնաժողովը գնահատել է ավերածության չափը, և հիմա գործն ընթացքի մեջ է:
Բնակիչները խոստացել են՝ եթե Հովիկ Աբրահամյանը անձամբ չգա, կփակեն նաև երկաթգծի կայարանը:
Լուսանկարը՝ Ժողովուրդ-ի