ՀՀ աշխատանքի և սոցիալական հարցերի նախարար Արտեմ Ասատրյանի կարծիքով՝ ՀՀ նոր օրենքը՝ պարտադիր կուտակային կենսաթոշակների հետ կապված, հասարակության պահանջներին բավարարող պետք է լինի: «Ես կարծում եմ՝ բոլոր այն խնդիրները, որոնք այս ընթացքում առաջադրված են եղել և քննարկել ենք, չեմ ասի 100 տոկոսով, բայց մեծամասամբ լուծում են ստացել»,- «Առաջին լրատվական»-ի հետ զրույցում ասաց նախարարը՝ հավելելով, որ առաջիկայում ավելի մատչելի և առարկայական տեղեկատվություն կտրամադրեն հանրությանը:
Նրա խոսքով՝ բարեփոխումների իրականացումը ինքնանպատակ չէ, մի նպատակ ունի՝ մեր քաղաքացիների համար բարեկեցիկ ծերություն ապահովել: Ըստ նրա՝ հասկանալի է, որ այդ փոփոխությունները չեն կարող բոլորի կողմից սահուն և ընդունելի լինել, և հասկանալի է, որ կլինեն խնդիրներ:
Նախարարին հարցրինք՝ իսկ իր մեջ հարց չի առաջանում, թե ինչո՞ւ չկա վստահություն կառավարության, իշխանության նկատմամբ: Նա նշեց, որ իհարկե կան, սակայն ըստ նրա՝ նույն եվրոպական երկրներում կատարվող բարեփոխումների շրջանակում որքա՜ն դժգոհություններ, մտագոհություններ են եղել:
«Ցանկացած փոփոխություն բերում է որոշակի անորոշություն»,- ավալեցրեց Արտեմ Ասատրյանը՝ հավելելով, որ չի կարելի ենթադրել, որ այդ համակարգը չի աշխատի:
Ավելին՝ տեսանյութում:
