Թմրանյութերի ապօրինի շրջանառությունն աճման միտում է արձանագրում ամբողջ աշխարհում, հետևաբար թմրամիջոցների օգտագրծումը տարեցտարի ավելանում է:
ՀՀ ԱՆ Հանրապետական նարկոլոգիական կենտրոնի տնօրեն Պետրոս Սեմրճյանը տեղեկացրեց՝Հայաստանում ևս աճման միտում կա. «Այս տարվա հունվարի 1-ի դրությամբ, ՀՀ առողջապահության նախարարության տվյալներով, 5022 թմրամոլ կա հաշվառված, որոնցից 57 –ը կանայք են: Իսկ 2013 թվականի նույն ժամանակահատվածում հաշվառված է եղել 4428 թմրամոլ»: Այս պահին նարկոլոգիական դիսպանսերում 6 հիվանդ ստացիոնար բուժում է ստանում, 2-ը՝ ամբուլատոր, 226-ն էլ մեթադոնային բուժման փուլում են:
«Առաջին լրատվական»-ը զրուցեց թմրամիջոց օգտագործող անձանց հետ, որոնք այս պահին մեթադոնային բուժում են ստանում: Նրանց խոսքերով՝ թմրամիջոցի օգտագործումից հետո հայտնվել են ճահճում, որտեղից դուրս գալը գրեթե անհնար է. ունեն առողջական լուրջ խնդիրներ լյարդի, երիկամների հետ կապված, ինչպես նաև ընտանեկան լուրջ խնդիրներ. շատերին ընտանիքը լքել է: Բժիշկ-նարկոլոգները ընդգծում են՝ կան թմրամիջոց օգտագործող մարդիկ, որոնք զրկվել են ծնոտից: Ծնոտը հատկապես տնային եղանակներով բենզինից պատրաստված թմրամիջոցների «առաջին» թիրախն է:
Թմամիջոցներիօգտագործմանդեմպայքարըերկուուղղությամբ էհիմնականումընթանում: Պահանջարկը նվազեցնելը նարկոլոգների, բժիշկների խնդիրն է: Առաջարկը նվազեցնելը՝ իրավապահ մարմիներինը: Վերջին 5 ամսվա ընթացքում թմրամիջոցների, հոգեմետ նյութերի շրջանառության 443 դեպք է այս տարի արձանագրվել՝անցած տարվա 331 դեպքիդիմաց: Առագրվվել է մոտ 850 կգթմրամիջոց:
ՀՀ ոստիկանության կազմակերպված հանցավորության դեմ պայքարի գլխավոր վարչության, թմրամիջոցների ապօրինի շրջանառության դեմ պայքարի վարչության առաջին բաժնի պետի տեղակալ Տիգրան Սահակյանից հետաքրքրվեցինք՝ինչո՞ւ են ցուցանիշներն այսպիսին, թեև 5 ամիսների ընթացքում եղել է նաև առանձնապես խոշոր առգրավման դեպքՄեղրու անցակետում՝շուրջ 900 կգ-իցավելի: ՏիգրանՍահակյանը ընդգծեց՝ 850 կգ առգրավված թմրամիջոցի մեծ մասը հենց այդ դեպքից է: Բայց ըստ նրա՝թմրամամիջոցը այլէ, թմրամիջոցի նման զանգվածը՝այլ, ասում է՝փորձաքննության արդյունքներ կան: Իսկ մնացած հարցերին իրենք իրավասու չեն պատասխանելու, գործը գտնվում նախաքննության փուլում ԱԱԾ-ի կողմից: Ըստ Տիգրան Սահակյանի՝ եթե նախկինում թմրամիջոց տարածողները հիմնականում օտար երկրացիներ էին,հիմա հայաստանցիներն են: Այս տարվա ընթացքում բազմաթիվ հանցագործ խմբեր բացահայտվել են, և 166 քաղաքացի է պատասխանատվության ենթարկվել: Անչափահասների շրջանում վիճակագրության տվյալները ցածր են՝ 10-ից չեն անցնում: Բայց, իհարկե, այս ցուցանիշները ևս ամբողջական պատկերը չեն կարող արտացոլել, լատենտային հանցագործությունների թվին էպատկանում:
Առավել մանրամասն ՝ տեսանյութում։