Լևոն արոնյանը հերթկան հաղթանակը տարավ Մոնակոյի Մոնտե Կառլո քաղաքում ընթացող 20-րդ և վերջին Amber մրցաշարում: 7-րդ տուրում աշխարհի երրորդ շախմատիստի մրցակիցը Իսրայելի ներկայացուցիչ Բորիս Գելֆանդն էր: «Կույր» շախմատի պարտիայում Հայաստանի ուժեղագույն գրոսմայստերն ընդամենը 29 քայլում առավելության հասավ բազմափորձ Գելֆանդի նկատմամբ, իսկ արագ շախմատի պարտիայում կողմերը 22 քայլ հետո համաձայնեցին կիսել միավորը:
Երկրորդ տեղում ընթացող նորվեգացի Մագնուս Կարլսենը նույնպես հաղթանակ տարավ: ՖԻԴԵ-ի դասակարգման աղյուսակի երկրորդ համարը երկու պարտիաներում էլ գերազանցեց Ռուսաստանի առաջին շախմատիստ Վլադիմիր Կրամնիկին և այժմ մինձնյա առաջատար Լևոն Արոնյանից հետ է մնում կես միավորով:
7-րդ տուրի մյուս պարտիաներում գրանցվեցին հետևյալ արդյունքները.
«Կույր» շախմատ
Գիրի – Թոփալով 0-1
Հաշիմով – Կարյակին 1/2
Նակամուրա – Անանդ 1/2
Իվանչուկ – Գրիշչուկ 1/2
Արագ շախմատ
Թոփալով – Գիրի 1/2
Կարյակին – Հաշիմով 1/2
Անանդ – Նակամուրա 1/2
Գրիշչուկ – Իվանչուկ 0-1
7-րդ տուրից հետո մրցաշարային աղյուսակն ունի հետևյալ տեսքը.
1. Արոնյան 10
2. Կարլսեն 9.5
3. Անանդ 8
4. Գրիշչուկ 7.5
5. Իվանչուկ 7
6. Թոփալով 7
7. Գելֆանդ 6.5
8. Հաշիմով 6.5
9. Կարյակին 6.5
10. Նակամուրա 6
11. Կրամնիկ 5
12. Գիրի 4.5
