Բոլոր մարդիկ էլ երազում են կյանքում ինչ-որ հոյակապ բան ստեղծել: Գաղափարներ շատ կան, բայց ճանապարհին միշտ անլուծելի խնդիրներ են առաջանում` փողի սակավություն, շինության բացակայություն, ժամանակի պակաս և տասնյակ այլ պատճառներ: Բայց ոչ բոլորին են այդ պատճառները խանգարում: Bigpicture.ru-ն ներկայացնում է մի քանի համաշխարհային համբավ ունեցող նախագծեր, որոնք ծնվել են խոհանոցներում, մառաններում և ավտոտնակներում:
1. Apple
Apple-ն ներկա դրությամբ աշխարհի ամենահզոր տեխնոլոգիական ընկերություններից է, իսկ սկսվել է Սթիվ Ջոբսի հոր ավտոտնակից: 1976-ին Սթիվ Ջոբսը և Սթիվ Վոզնյակը հիմնվել են այդ ավտոտնակում և 30 օրվա ընթացքում ձեռքով հավաքել են 50 համակարգիչ: Երիտասարդները դրանք վաճառել են 500 դոլարով: Այդ օրվանից էլ ամեն ինչ սկսվեց:
2. The Beatles
Մինչև The Beatles-ի ձևավորումը Ջոն Լենոնը եղել է The Quarrymen անվամբ խմբի անդամ, որը բաղկացած է եղել դպրոցական ընկերներից: Երբ խմբի անդամներից մեկի ծնողները այլևս ի վիճակի չեն եղել այդ աղմուկը տանել, ապագա գերաստղերը ստիպված են եղել փորձատեղը տեղափոխել հին ապաստարան:
3. Amazon
1994 թվականին, երբ Ջոզեֆ Բեզոսը հիմնել էր Amazon-ը՝ որպես համացանցային գրախանութ, այն ամբողջությամբ տեղակայվել էր նրա ավտոտնակում: 1995-ի հուլիսին ընկերությունը վաճառել էր իր առաջին գիրքը, որը փաթեթավորվել էր նույն ավտոտնակում:
4. Harley Davidson
1901 թ. Ուիլյամ Ս.Հարլին պլանավորել էր շարժիչ տեղադրել իր հեծանիվի վրա: Մի քանի տարվա ընթացքում Հարլին և նրա ընկեր Արթուր Դևիդսոնը ստեղծել են նոր շարժիչ ու կառուցել են իրենց առաջին մոտոցիկլները փոքրիկ փայտե մառանում: Այդպես է սկսվել լեգենդար Harley-Davidson-ը:
5. Yankee Candle
Այսօր այն տոնական մոմերի արտադրության ամենահայտնի ընկերությունն է: Պատմությունը սկսվել է այն օրվանից, երբ 1969 թ. 17-ամյա Մայք Քիթրեջը ավտոտնակում մի քանի մոմե մատիտներ էր հալեցրել: Արտադրանքն այնքան հաջող էր ստացվել, որ սկսել էին առաջին պատվերներն ընդունել:
6. Microsoft
1975թ. Բիլ Գեյթսն ու Փոլ Ալենը ավտոտնակում 80 հազար դոլարի դիմաց հիմնել են իրենց առաջին օպերացիոն համակարգը IBM-ի համար: Ավելի ուշ նրանք մտածեցին Windows-ը, որը մինչ օրս առաջատար է շուկայում:
7. Maglite
1955-ին Էնթոնի Մագլիկը ավտոտնակ էր վարձել և 125 դոլարով գնել իր առաջին սարքավորումը: Դրա հիմքում փոքրիկ արհեստանոց էր ստեղծվել, որը մի քանի տարի անց սկսել է հանրահայտ լապտերների արտադրությունը: Հիմա Maglite-ը հանրահայտ բրենդ է:
8. Mattel
1945 թ. նորապսակներ Ռութ և Էլիոթ Հենդլերները որոշել էին սկսել սեփական բիզնեսը: Իրենց ավտոտնակում նրանք նկարների շրջանակներ են պատրաստել, իսկ մնացած մասը կիրառել են տիկնիկների տնակների ու կահույքի ստեղծման համար: Մինչև խաղալիքների ստեղծումը մնացել էր ընդամենը մեկ քայլ, և նրանք դա արեցին 1959-ին` ներկայացնելով աշխարհին Բարբի տիկնիկին:
9. Linksys
Linksys-ին հիմնել են 1988-ին Թայվանից ներգաղթյալներ Ջեննի և Վիկտոր Ցաոն: Ինչպես շատ ընկերությունններ, Linksys-ը նույնպես սկսվել է ավտոտնակում:
10. Disney
1923-ին Ուոլթ ու Ռոյ Դիսնեյները տեղափոխվել են իրենց հորեղբայր Ռոբերթի մոտ: Նրա ավտոտնակում եղբայրները ստեղծել են The First Disney Studio-ն, որը խոշորագույն կինոընկերությունն է այսօր:
11. Google
1998 թ. ամռանը Սթենֆորդի ուսանող Լարա Փեյջն ու Սերգեյ Բրինը սկսել են աշխատել Google-ի ստեղծման ուղղությամբ, որպես իրենց ուսումնական նախագիծ: Ապագա որոնողական հսկայի ստեղծումը տեղի է ունեցել Սյուզեն Վոժինսկիի ավտոտնակում:
12. Hewlett-Packard
1939 թ. ամենախոշոր տեխնոլոգիական HP ընկերությունը ստեղծվել է ավտոտնակում ընդամենը 538 դոլարով:
13. Lotus Cars
1984-ին Էնթոնի Քոլին Բրյուս Չեփմենը սկսել է ստեղծել իր առաջին մրցաշարային ավտոմեքենաները ծնողների ավտոտնակներում: Այսօր Lotus-ը մարզական ու մրցաշարային ավտոմեքենաների առաջատար բրիտանական արտադրող է:
14. Nike
Nike-ն հիմնվել է վազորդ-ուսանողի և նրա մարզչի կողմից: Նրանց բիզնեսը շատ պարզ էր` յուրաքանչյուրը ներդնելով 500 դոլար, գնում էին 300 զույգ ասիական արտադրության մարզական կոշիկներ և վաճառում սեփական բրենդի ներքո: Ընդ որում՝ սկզբում, ընկերությունը իրենց չէր կարող անգամ ավտոտնակ վարձելու ճոխություն թույլ տալ, և վաճառքը ընթանում էր հենց ավտոմեքենայի բեռնախցիկից:
15. Patagonia Clothing
1953-ին, 14 տարեկան հասակում, Իվոն Չոուլնարդը տարվել է լեռնագնացությամբ: 18 տարեկանում նա գնել է անհրաժեշտ սարքավորումներ, որոնք տեղադրել է ծնողների ավտոտնակում: Ընկերությունը սկսել է արտադրել ու վաճառել հատուկ կեռեր՝ 1,50 դոլարով: