Ուկրաինայի նախագահ Պյոտր Պորոշենկոն Բրյուսելում կայացած մամլո ասուլիսի ժամանակ հայտարարել է, որ Եվրոպական խորհուրդը Ուկրաինայի հարցով իր որոշման մեջ նշել է ԵՄ անդամակցության հեռանկարներ՝ չնայած խորհրդի որոշման մեջ նման հայտարարությունները բացակայում են: Բրյուսելում Ուկրաինայի ճգնաժամի կարգավորման հարցով պայմանավորվածությունների ցուցակի հրապարակումից մի քանի ժամ անց Պորոշենկոյի մամլո ծառայությունը հիշատակել է երկու կետ, որոնք բացակայում էին եվրոպական փաստաթղթում:
Ինչպես հաղորդել է Պորոշենկոյի մամլո ծառայությունը իր հայտարարության առաջին մասում, ուկրաինական իշխանությունները սպասում են, որ զինադադարի ընթացքում մի շարք միջոցառումներ կձեռնարկվեն ուրբաթ Եվրոպական խորհրդի կողմից ընդունված որոշումների իրականացման համար:
Ավելի վաղ հաղորդվում էր, որ Ուկրաինայի նախագահը խորհրդակցություն է անցկացրել ուժային կառույցների հետ, որի արդյունքում սպավում է, որ զինադադարի ընթացքում կիրականացվեն ևս երկու կետեր` «Ռուսաստանի Դաշնության տարածքում վարձկանների հավաքագրման կետերի փակում, Դոնեցկի և Լուգանսկի շրջաններում ապօրինի զինված խմբավորումների տեղաշարժի դադարեցում»:
Դրա հետ մեկտեղ, Պորոշենկոյի մամլո ծառայությունը ոչ մի ապացույց չի բերել, որ Ռուսաստանի տարածքում նման կետեր կան: Հավաքագրման կետերի մասին հայտարարություն չի եղել նաև ուրբաթ ընդունված Եվրոպական խորհրդի որոշման մեջ:
Ռուսաստանի նախագահ Վլադիմիր Պուտինը ավելի վաղ հաղորդել էր, որ ոչ մի ռազմական ուժ, ոչ մի ռուս խորհրդատու չկա Ուկրաինայի հարավ-արևելքում, և Ռուսաստանը Ուկրաինայում տիրող իրավիճակը ապակայունացնելու մտադրություն չունի:
