Քաղաքացիական ակտիվիստ Վարդգես Գասպարին հնարավոր է՝ աշնանը հանրահավաք հրավիրի, իսկ թե որ աշնանը՝ դեռ չի որոշել:
«Առաջին լրատվական»-ի հետ զրույցում նա նշեց, որ մինչև հիմա երեք քրեական գործ է հարուցվել, որից մեկը՝ նյութական տույժով: Այս տույժը քաղաքացիական ակտիվիստը մուծել է, մյուսով բռնագանձվել է 35 հազար դրամ, մոտ տասը վարչական գործեր կան ընթացքի մեջ, որոնց ընդհանուր գումարը կազմում է մոտավորապես մոտ երեք միլիոն:
«Անկեղծ ասած՝ դեռ չեմ որոշել, թե ինչ եմ անելու, իմ տույժերից մեկը՝ 35000 դրամ, ստանձնեց և վճարեց քաղաքացիական հասարակությունը, իսկ թե նրանից հետո ինչ եմ անելու, անկեղծ ասած, չգիտեմ: Շատ հնարավոր է՝ դիմեմ ծայրահեղ միջոցների՝ աշնանը հանրահավաք հրավիրեմ կամ էլ ռազմավարություն մշակեմ»,- մեզ հետ զրույցում ասաց նա:
Առավել մանրամասն՝ տեսանյութում:
