«Հարսնաքարի» գործով դատապարտյալներ Արման Խաչատրյանի և Արման Բաղդասարյանի հարազատները պնդում են՝ Բաղդասարյանն ու Խաչատրյանը առնչություն չունեն ռազմական բժիշկ Վահե Ավետյանի սպանության հետ:
Արման Բաղդասարյանի կինը՝ Աստղիկ Մանուկյանը, նշում է, որ թեպետ հիասթափվել են ՀՀ արդարադատությունից, այդուհանդերձ դիմելու են բոլոր հնարավոր միջոցների՝ իր ամուսնու անմեղությունն ապացուցելու համար: Նա պնդում է, որ բոլորին նույն՝ տասներկու տարվա պատժաչափը տալով՝ և՛ առաջին ատյանի և վերաքննիչ քրեական դատարանները պարզապես պատվեր են կատարել, որովհետև գործը հանգամանալից ուսումնասիրելիս, ըստ Մանուկյանի՝ ակնհայտ է դառնում, որ իր ամուսինը, որը «Հարսնաքար»-ի անվտանգության աշխատակցին է եղել, որևէ տուժողի և մահացած Վահե Ավետյանին մատով անգամ չի դիպել:
Դատապարտվածներից Արման Խաչատրյանի հայրը՝ Յաշա Խաչատրյանը, հայտարարեց, որ պատրաստ են սպառել բոլոր ատյանները Հայաստանում, ապա դիմել Մարդու իրավունքների Եվրոպական դատարան և համոզված են, որ ՄԻԵԴ-ը այլ վճիռ կկայացնի:
Խաչատրյանի մայրն էլ սպառնում է ինքն իրեն վնաս տալ, եթե որդուն չարդարացնեն:
Առավել մանրամասն՝ մեր տեսանյութում