Քիչ առաջ Ճապոնիան կրկին ցնցվել է ուժեղ երկրաշարժից: Ըստ Reuters գործակալության` երկրաշարժի ուժգնությունն էպիկենտրոնում կազմել է 6.1 մագնիտուդ, իսկ օջախը եղել է մայրաքաղաք Տոկիոյից դեպի հյուսիս-արևելք` Իբարակի պրեֆեկտուրայում:
Զոհերի և ավերածությունների մասին տեղեկություններ չեն հաղորդվում: Ցունամիի տագնապ չի հայտարարվել: Գիշերը տեղի էին ունեցել քիչ ավելի պակաս ուժգնությամբ երկրաշարժեր` 5.4 և 5.9 մագնիտուդ:
Ինչպես նշում է Kyodo գործակալությունը, Ճապոնիայում մարտի 11-ից հետո 9.0 մագնիտուդ հզոր երկրաշարժի օջախին մոտ գրանցվել է 5.0 և ավել մագնիտուդով մոտ 260 երկրաշարժ:
5.0-ից ավել մագնիտուդով երկրաշարժերն արդեն վտանգավոր են համարվում և կարող են հանգեցնել ավերածությունների: