«Մենք դեմոկրատական երկիր ենք, որտեղ սոցիալական վիճակը այնքան էլ բարորակ չէ, հետևաբար կարող է լինեն և՛ հավաքներ, և՛ միտինգներ, և՛ ամեն ինչ։ Այստեղ կարևորն այն է, որ կառավարությունը, պետությունը նորմալ նայեն այդ պահերին, և առանց տհաճ իրավիճակների, զոհերի ընթանա այդ գործընթացը»,- այս մասին մեզ հետ զրույցում անդրադառնալով ընդդիմության վերջին հանրահավաքին և օրակարգում մնացող 15-կետանոց պահանջներին` նշեց ԱԺ
ԲՀԿ-ական պատգամավոր Գոհար Ենոքյանը։
Ինչ վերաբերում է ընդդիմություն-իշխանություն երկխոսությանը` Գոհար Ենոքյանը նկատեց, որ երկխոսությանը շատ նորմալ է վերաբերվում։
«Ընդդիմությունը նրա համար է, որ որոշ թերություններ, որ կառավարության կողմից թույլատրվում են, նրանք ավելի շուտ նկատեն և իրենց ասելիքը ասեն։ Իսկ կառավարությունը նրա համար է, որ ցանկացած իրավիճակում ստեղծված իրավիճակից դուրս գալու ելքեր գտնի։ Հետևաբար, ինչ խոսք, ես կարծում եմ, որ թե՛ երկրի նախագահը, թե՛ կառավարությունը պետք է ուշադրություն դարձնեն ընդդիմության առաջադրած 15-կետանոց պահանջներին, տեսնեն, թե ինչ են ուզում։ Այս ամենը հաշվի առնելով հանդերձ` ես կարծում եմ` այն, ինչ կարելի է, հնարավոր է անել, և որը երկրի համար էլ վտանգ չի ներկայացնի, այդ փոփոխությունները պարտադիր կլինեն։ Բայց ոնց, ինչ` դա արդեն երկրի նախագահի գործն է»,- եզրափակեց Գոհար Ենոքյանը։
