Մարտի 11-ի հզոր երկրաշարժից հետո Ճապոնիայում կղզիները շարժվել են մի քանի մետրով: Օրինակ` Օսիկա թերակղզին, որը գտնվում է ճապոնական Հոնսյու կղզու հյուսիս-արևելքում, շարժվել է 5.3 մետրով և իջել 1.2 մետրով: Այս մասին հաղորդում է Kyodo գործակալությունը` հղում կատարելով Ճապոնիայի աշխարհագրության ինստիտուտին:
Ինստիտուտում նշել են, որ հետազոտությունների պատմության ընթացքում սա երկրակեղևի ամենամեծ տեղաշարժն է: Ավելի վաղ նմանատիպ տեղաշարժ գիտնականները գրանցել էին Մինամիսոմա քաղաքի մոտ, որը, սակայն, կազմել էր 4.4 մետր: Բոլոր այս քաղաքները գտնվում են Միյագի պրեֆեկտուրայում, որն ամենաշատն է տուժել երկրաշարժի ժամանակ:
