Այսօր Աֆրիկյանների տան համար պայքարին միացել էր «Նոր քաղաքական մշակույթ» կուսակցության նախագահ Անի Զախարյանը: «Առաջին լրատվական»-ի հետ զրույցում նա ասաց, որ այսօր եղել է մշակույթի նախարարությունում, խնդրով մտահոգ զանգահարել է նաև մշակույթի նախարարին, սակայն քար լռության է հանդիպել:
«Եթե մինչև վաղը շինարարությունը չդադարեցնեն, ես՝ Անի Զախարյանս, դիմում եմ դատարան և դատի տալիս մշակույթի նախարար Հասմիկ Պողոսյանին»,- ասաց նա՝ հավելելով, որ նախարարը մասնակցում է հանցագործության:
Ակտիվիստների հետ այսօր հանդիպեց մշակույթի նախարարության պատմության և մշակույթի հուշարձանների պահպանության գործակալության Երևանի տարածքային բաժնի պետ Կարո Այվազյանը: Նա նշեց, որ «Հին Երևան» ծրագրով նախատեսված հուշարձանի տեղափոխման նախագիծը, որի մեջ ընդգրկված են նաև հուշարձանի ապամոնտաժման, ուսումնասիրման, չափագրման խնդիրները, համաձայնեցվել է նախարարության հետ: Բացի այդ, Կարո Այվազյանի դիտարկմամբ, կա կառավարության երկու որոշում, մեկը՝ հուշարձանի տեղափոխման, մյուսը՝ կառավարության կողմից հաստատված գլխավոր հատակագիծը, որով Տերյան փողոցը լայնանում է:
Ամբողջությամբ՝ տեսանյութում: