Արարատի մարզում գործող «Ալիշան» պահածոների ընկերության և «ՀայՌուսգազարդ» ՓԲԸ-ի միջև խնդիրը դեռ չի լուծվել: Ընկերության սեփականատեր, իրանահայ գործարար Սերժիկ Մոսեսյանն ակնկալում է նոր կառավարության աջակցությունն այդ հարցում: Նշենք, որ անցյալ տարի «ՀայՌուսգազարդ»-ը 16-17 մլն դրամի հավելյալ գազի վարձ է գրել գործարանի հաշվին, ինչի արդյուքնում գործարանը վեց ամսով զրկվել է գազամատակարումից և չի աշխատել:
Շարջ 100-150 աշխատատեղ ապահովող գործարարը որևէ կերպ չի կարողացել լուծել խնդիրը: Էկոնոմիկայի նախարարության ներկայացուցիչները չափագրումներ են կատարել և փաստել են, որ ճիշտը գործարարն է, սակայն «ՀայՌուսգազարդ»-ը հրաժարվում է ընդունել այդ փաստը:
«Ում դիմում եմ, ասում են՝ գնա, մտի դատարան, դատարանից հետ ստացի գումարդ: Գիտեք, որ դատական քաշքշուկն ամենաքիչը կտևի մեկ-երկու տարի: Արդյո՞ք ես Իրանից եկել եմ գործ անեմ, թե գնամ, ընկնեմ դատարանի դռները: Ես ավելորդ փող ունե՞մ, բերեմ տամ «ՀայՌուսգազարդ»-ին, հետո որ կարողանամ հաջողել, դատարանից հետ վերցնեմ, այլ տեղ չկա՞, որ ես դիմեմ»,- այսօր «Անի» հյուրանոցում գործարարների հետ տնտեսական մրցակցության պաշտպանության պետական հանձնաժողովի հանդիպման ժամանակ հարց բարձրացրեց «Ալիշանի» սեփականատերը՝ հավելելով. «Ես այլ տեղից չեմ կարող գազ ստանամ, քանի որ մենաշնորհ ունի «ՀայՌուսգազարդը»: Կարո՞ղ է ՏՄՊՊՀ-ն օգտակար լինել այս խնդրին»:
ՏՄՊՊՀ ներկայացուցիչներն ասացին, որ իրենք կնայեն գործը, սակայն գործարարը թերևս պետք է դիմի հանրային ծառայությունները կարգավորող հանձնաժողովին, ինչից հետո գործարարը դուրս եկավ քննարկումից:
«Առաջին լրատվականը» զրուցեց Սերժիկ Մոսեսյանի հետ:
Դիտեք տեսանյութը:
