«Անի» հյուրանոցում այսօր գործարարների հետ Տնտեսական մրցակցության պաշտպանության պետական հանձնաժողովի հանդիպման ժամանակ «Հին Էրիվան» ռեստորանային համալիրի սեփականատեր Մանվել Տեր-Առաքելյանին այդպես էլ ձայն չտվեցին, և գործարարը ընդմիջումից հետո լքեց հանդիպումը:
Նշենք, որ հանդիպումը կազմակերպել էին ՏՄՊՀ-ն և GIZ գերմանական կազմակերպությունը:
«Ես դատական նիստ ունեի, ընդմիջումից հետո չմնացի, բայց, համենայնդեպս, մինչև դատական նիստը ինձ ձայն չտվեցին: Իմ ելույթն էդտեղ շատ կարդինալ ձևով կփոխեր մթնոլորտը: Ես շատ սուր ելույթ պիտի ունենայի: Պետք է իմ ելույթում ասեի, որ բանկի վարչության նախագահի գործողությունները քրեորեն հետապնդելի են, և ոչ ոք չի կարողանում հանցակազմ գտնել, որովհետև նրա շահերը պաշտպանում է սուպերնախարար Դավիթ Հարությունյանի եղբայրը՝ փաստաբան Հայկ Հարությունյանը: Բանկային համակարգն է, որ ֆինանսավորում է տնտեսությունը, և ՀՀ բանկային համակարգում կա սուպերբանկիր, որն անպատժելի է. դա «Յունիբանկի» նախագահ Վարդան Աթայանն է»:
Լուսանկարը` PAN Photo-ի