NetApplications-ի մասնագետները ամփոփել են Windows 8 օպերացիոն համակարգի վաճառքի առաջին արդյունքները և հետազոտություն են անցկացրել օգտատերերի նախասիրությունների վերաբերյալ:
Ինչպես հաղորդում է Life News-ը, հետազոտության համաձայն՝ Windows 8 նախընտրում է հարցման մասնակիցների շուրջ 1%-ը:
Օգտատերերի մեծ մասը՝ նախընտրում է Windows 7 (45.47%) և Windows XP (39.58%)։
Ավելի վաղ Microsoft ընկերությունը հայտարարել էր, որ վաճառքի առաջին օրերին սպառվել է Windows 8-ի 4 միլիոն օրինակ: Զավեշտալին այն է, որ այս ցուցանիշն իր մեջ ներառում է ինչպես վերջնական օգտատերերին, այնպես էլ մեծածախ և մանրածախ ցանցերում տրված արտոնագրեր:
Դրա հետ մեկտեղ, անկախ փորձագետները լավատեսորեն են գնահատում նոր օպերացիոն համակարգի հնարավորությունները՝ նշելով, որ հոկտեմբերի վերջին շուկայում Windows 8-ի չափաբաժինը գնահատվում է 0.5%, իսկ կարճ ժամանակահատվածում այս ցուցանիշը կրկնապատկվել է:
