Իրանի ռեֆորմիստական ճամբարի 18 կուսակցությունների ներկայացուցիչներ հանդիպել են այս ճամբարի առաջնորդ, Իրանի նախկին նախագահ Մուհամմեդ Հաթամիի հետ։ Այս մասին հաղորդում է MEHR գործակալությունը:
Հանդիպումը ղեկավարել է Իրանի ժողովրդավարական կուսակցության գլխավոր քարտուղար, ռեֆորմիստների ազգային կոալիցիայի նախագահ Մուստաֆա Քաուաքիբիանը:
Ռեֆորմիստական կուսակցությունները ցանկություն են հայտնել, որպեսզի Մուհամմեդ Հաթամին դնի իր թեկնածությունը առաջիկա նախագահական ընտրություններում։ Հաթամին իր հերթին հայտարարել է, որ սպասում է երկրում դրական փոփոխությունների, և երբ ժամանակը գա, ինքը կհայտարարի իր որոշման մասին:
Հանդիպման ընթացքում ռեֆորմիստական կուսակցությունների ներկայացուցիչները որոշում են կայացրել, որ եթե Հաթամին չդնի իր թեկնածությունը, իրենք ընտրություններին կմասնակցեն միասնական թեկնածուով:
