Այսօր ընդունելության քննությունների առաջին փուլի վերջին միասնական քննությունն է՝ «Ռուսաց լեզու» առարկայից: Երևանում «Ռուսաց լեզվի» միասնական քննությունն անցկացվում է 1 քննական կենտրոնում՝ ԵՊՀ-ում:
Քննական կենտրոնի ղեկավար Ալինա Գրիգորյանը «Առաջին լրատվական»-ի հետ զրույցում նշեց, որ 84 դիմորդից բացակայում է 9-ը: Բացակայողները համապատասխան տեղեկանքի դեպքում կարող են մասնակցել քննությունների երկրորդ փուլին:
Դիմորդների ներկայացմամբ՝ թեև «Ռուսաց լեզվի» շտեմարաններում վրիպակներ եղել են, բայց խճճող, բարդ հարցերը շատ չէին: «Ռուսաց լեզու» առարկայից կա 3 շտեմարան:
Հիշեցնենք. քննությունների 2-րդ փուլը մեկնարկում է հունիսի 24-ին: